| تبليغات | X |
نلفت انتباه الزائرين الاعـزاء انشاء الله عـن قـريب
سيفتح الموقع الرسمي للشاعر محمدحسن العرادي
تحت عنوان www.aleradi.com
يزيدنا الشرف اذا تزورونا على الموقع الجديد.
السلام علی الشفاه الذابلات
الــسلام عــلى الحسين
وعلى علي ابن الحسين
وعــلى اولاد الـــحسين
وعلى انصار الــحسين
عظم الله اجوركم يـا شـــيعة ابـي عــبد الله الحسين جـبرالله لـكم الـمصاب واعــادكم و ايّانا على احياء هذه الشعائرالحسينيّة باحسن مايكون، من بذل مال و خدمة فـي مأتم الـطم والعزاء وهكذا تحرك الاقـلام للـشعراء الـمخلصة حول واقــعة الـطف الأليمة بــالـكلمة المركـزة الــتي مـن خــلالها تتدفـّق دموع المؤمنين لا فــقط تـكتب الـقصيدة لـلشهرة ولإبراز العضلات وكـل ما فيها شجاعة وما شـابـة، وطـبعاً اذاكــتبت الــقصيدة بأخلاص وقلب محب وعاشـق للــحسين (ع) وأنصاره الأوفياء تحصل على توفيق دنيوي واخروي، حيث أكثر الشعراء للأسف الشديد الان دون ان يتسلحون بالدراية والدراسة التاريخيّة لواقعة الطف والمعرفة عن الهواشم وانسابهم- هذا من وابن من وحتـّى الأمويّون لابد و ان يقرء تاريخهم وشخصياتهم حتـّى الشاعريستطيع ان يكتب القصيدة براحة وبصورة غير مشوّهة بالكذب نعوذ بلله والصورة الذي لاوجود لها في التاريخ، فأسائل المولى القدير ان يوفق جميع خـدمة الــحسين(ع) على انواع طبقاتهم والحمد لله رب الـعالـمين والــصلاة والسلام على خير المرسلين وآله المنتجبين.
(محمدحسن العرادي)
السلام عليك يا غريب الغرباء
« زيارة الضامن »
گــوم إســجد یــازمــن واظـهر سجودک للــوگــف عــالـحیل ومـا ظــهره انـــطوا
وخجـّل اجــبال اللــی شــمخة عــالـوطیّه وغــدت کــود اتـــراب مــن هَــب الــهوا
عــالــفلک شــع نــوره من أرض المدینه وخــلـّه کــل الــــکون یــسبح بــالـــضوا
ومــن تــشعشع نــور وجــها الـبزغ لامع إلــــشمس والــــگمر خـــــجـّلهن ســـــوا
ومــن کــتربــاب الــحوایــج فــاح طــیبه وصــارذاک الــطیب عـــنوان الـــــــدوا
یــشفی کـــل مــعلول یـــستنشق عــــبیره وطــلب لــمراد الـــشفا ابّـــابـــه ونـــــوا
هــذا نـــسخة بــدل مـن موسی ابن جعفر واظــن تــدری الــکاظـــم امـنین ارتــوا
الــکاظم امــن الـصادق ابــآثماره خضـّر والـــدهـــرهـــاللــیله ثــمرالــعِز حـــــوا
ابــیوم مــیلاد الــرضـا وفــرحـة الـدنــیه ولــبست الـــعشـّاگ لـــــثیاب الـــــــغـَوا
باقي القصيدة في ادامة المطلب
تهانی من هذا الموقع بمناسبة المبعث النبوی الشریف لکل زائرین هذا الموقع
الولائی .
(هدم الضریح)
جیتک اتوکـّه اعلی صبري ونوب اگومن نوب أتچبچب وطیح
افریسه واعلي تلهث اوحوش البراري و هاضت اکلاب النواصب بالـنبیح
یضّت الدنیه اعلی چتلي ولون ماتذبحني ماظن تستریح
منهو حلـّل دمّي إلهم وآنه کون الأبگا عالمذبح طریح
ابیا کتاب الصارشیعي ایموت حکمه ومن عطور الفرح مایشتم نـفیح
وین اروحن وانطي وجهي وصرت لسچاچینهم دایــم ذبـیح
إنته عودک معتبر عدهم لگیتک وابأذان اصیاحهم بسمک تصیح
ولوا أدري اصیاح شیطاني ومحرّف صایرالهم بالچذب بسمک لـفیح
جیت الک شکـّاي بالمبعث دخیلک أنزف امن الطعن متأذي وجریح
جیت اگلـّک رد ابوسفیان من أرض الحجاز ابذاک طوله وهیکله وشکله القبیح
هیّض اخیاسه وفشه ابسّره لمبرگع وامسا بالکل شي یـبیح
وگف وابوجهک یبو الزهرا وحچاها وصار بالمالفض صریح
وانته اظن سمعیت بالفتوا الفتاها وعنده بیها اشگد لحیح
جرّد اسیوف الخیانه وگال لازم کون ایهدّم کل ضریح
والله عجبه امن اللي حفـّت بیه وما گصّة خجاله امن العرگ صارت تسیح
إنته مبعوث الرساله وجیت تهدي الصارعن نهجک یشیح
اشلون ابن جبرین من حرّک السانه ونطا ابدستوره الفضیح
کتـّرتـّک یا محمّد واتبعت عالِم خبل قحّي اوّکـیح
خل أگولـن چلمتي ابعالم الواسع گوم وصّل چلمتي ابحدهم یریح
یاللي منکم ظهر عــوزالشرف لایح واشتهرتو ابسمعه من العِز شحیح
اوحوش إنتو ومنتو من إمـّة محمّد طاها ابوالزهرا الملیح
لکـّه نجسه ابسمعة الإسلام صرتو وبس ابو الطلعه البهیّه ابسیفه یشلعکم ویزیح
إنتومنکم والله أشرف حتـّی ذاک الگام وتابع للمسیح
